التسويق العقاري

#السوق بقي صعب جدا بعد كورونا كله عاوز يبيع وكله عاوز يعوض خسارته كمطورين ومسوقين المطور شغال عروض والمسوق مش ملاحق على كميه المشروعات اللي نازله ومش مستوعب فبيحاول يهندل العميل على اللي عمولته عاليه وخلاص مش مشكله اسم مطور ولا مشاكله ولا سابقه أعمال الا من رحم ربي.

#ده خلي العملا بدورهم ياخدو بالهم ان في عمولات عاليه بتدفع في الوحدات اللي بيشتروها والمعروض كتير والسيلز اللي بيعرض عليه كاش باك وهدايا علشان التارجت فابتدي يساوم ويقارن احسن اوفر يشتري بيه وللأسف احنا اللي وصلناه لكده.

#ضيف على ده كتر البياعين والمديرين اللي مش عارفين حاجه عن سوقهم ولا بيعتهم وبقي اسمه بياع او مدير او تيم ليدر وتيجي تسأله في أساسيات الشغل حتى مش عارف
حتى القله اللي بيفهمو في الشغل وخبره بقو مشتتين مابين hiring ناس جديده لسه داخله المجال و استراتيجية شغل علشان يستوعبو حجم المشروعات اللي عماله تنزل في كل حته.

#حتى الماركتينج نفسه بقي في مشكله كبيره شويه في ال سوشيال ميديا وشويه في محركات البحث حتى الماركتينج بتاع زمان زي الoutdoors وإعلانات الجرايد والتلفزيون مبقتش زي الاول خالص وبقت موضه قديمه اللهم ال branding و pr بتاع المطور والمشروع.

📌📌بصوره عامه اقدر اقول ان احنا محتاجين نآسس الsales ازاي يتعاملوا مع العملا بتوعهم وهما اللي يوجهوهم ميبقوش هما اللي بيخلو العميل يبيع ويشتري فيهم
حتى العملا محتاجه تتعود على التعامل الي في مصلحه ليهم كاستثمار او سكن بعيدا عن التنازلات.
ده ميمنعش طبعا ان يبقي فيه refarrals للعملا وهدايا علشان لو هيجيب صاحبه قريبه يشتري بس مش بالشكل اللي احنا شايفينو ده.

#ولو هنتكلم عن الماركتينج لازم وحتما َلابد من افكار جديده مختلفه العميل مبقاش يحب الكلام العايم ولا الصور ال3d
انت حتى لو صرفت على الإعلان كتير بقي يفرق مع العميل شكل الإعلان نفسه صوره والكونتينت المكتوب وده مطابق للواقع اللي هشوفو في البيعه ولا كلام اعلانات هتخليه ميردش بعد كده ونرجع نشتكي ان العميل مش بيرد واحنا اللي بوظناه بأيدينا.

#شركات التطوير ارجوكم اسمعو كلام البروكرز هما عينكم في السوق ارجوكم بلاش اللي يزود في العموله وخلاص اخدم مشروعك كويس واظبط اسعارك والماركتينج بتاعك وحتى لو العموله قليله احنا غصب عننا هنكسر الدنيا معاك عندك منتج مطلوب ومتخدم كويس ولنا في كبار المطورين قدوه اللي لسه شغالين ومكسرين الدنيا وبيعملو عروض بالعقل مش عروض وخلاص.

#اخيرا ده كلام ليا قبل ما يبقى لحد محتاجين نغير من صناعتنا وشكلها علشان سوقنا يتغير للأحسن بإذن الله.