ازاي تستثمر في وحدتك العقاريه وتكسب منها💵💵💰💰💰

الاستثمار العقاري أو شراء العقار دلوقتي بقي حاجه مهمه جدا للحفاظ علي قيمه الفلوس وعمل هوامش ربح واستثمار أعلي وبعض الطفرات للسعر والتاجير لبعض الوحدات علشان كده في شويه عوامل لو عملتها وانت بنشتري وحدتك هتكسب منها كويس وتبقي مخرن أمن للفلوس كمان

*️⃣سبب الشراء

اول حاجه واحنا بنشتري عقار لازم نعرف احنا شاريينه ليه يعني هنقعد فيه ولا استثمار نشتري ونبيع كمان شويه ولا استثمار طويل الأجل هشتري واقساط ولما استلم ااجر علشان كل ده هيفرق جدا في قرار الشراء بتاعي الوحده.

*️⃣نوع العقار

انهارده مفيش عقار مش بيكسب ومش بيحافظ علي قيمه الفلوس بس وانا بشتري لازم ابقي محدد انهي نوع عقار اللي هيكسبني اكتر وايه مواصفاته يعني في عقار سكني في مناطق معينه يكسب اكتر من التجاري وفي مناطق العيادات فيها عليها طلب اكتر وفي مناطق المكاتب فيها عليها طلب اكتر وفي مناطق ساحليه زي الساحل والسخنه والغردقة والجونه عليه طلب في التأجير من المصريين والأجانب.

*️⃣مواصفات العقار

لازم ومهم جدا وانا بشتري عقار ابقي عارف انا بشتري من مين كويس كمطور وايه سابقه أعماله ومواقع مشروعاته فين وصيانته في مشروعاته كويسه ولا لا واعاده البيع في مشروعاته شغاله كويس ولا لا.
تاني حاجه بعد ما نستقر علي مواصفات الوحده نعرف موقعها ايه نسبه التحميل عامله ازاي أو عقار ساحل أو تجاري مين هيمسك الصيانه والاداره بعد التسليم وده مهم جدا علشان اعرف اكسب في وحدتي كويس.

*️⃣الفرصه فين.

مهم جدا وانا يستثمر في العقار اعرف الفرصه فين وايه اللي هيكسبني في المشروع ده والفرص الاستثمارية فيه في مكتب ولا شقه فندقيه ولا شاليه ولا منطقه طالعه جديد ولا مطور عامل عرض حقيقي يكسب فعلا ولا لا ونظام السداد فيه فرصه ولا لا.
العميل دايما لازم يبقي مصحصح لأحسن فرص في السوق لأن ببساطه المستثمر صياد فرص وعارف بيحط فلوسه فين وامتي ويشتري كاش ولا قسط ولا فوري ولا تحت الإنشاء

*️⃣صيانه الوحده والاهتمام بيها

مهم جدا وانا شاري الوحده علشان ااجرها وتجيبلي فلوس ابقي مهتم بتشطيبها وصيانتها الدوريه وده بيفرق جدا في قيمه الإيجار كمان في المشروعات التجاريه والساحليه بيجيب فلوس اكتر ويحافظ علي قيمه الوحده.

بشكل عام الاستثمار العقاري فيه فرص واعده خصوصا في سوق بيطلع وفي مناطق مهمه كتير زي سوق مصر وفي الاخر لازم وانت بتختار وحدتك لازم تسأل وتذاكر مره واتنين ويبقي معاك مستشار عقاري مؤتمن يبقي عينك في السوق ويدلك علي الفرص الحقيقيه الموجوده في السوق.

للاستفادة من أحسن الفرص الاستثمارية المتاحة حاليا في السوق العقاري تواصل معنا