في رأيي 2021 كانت سنه( الساحل )بلا منازع أرقام مبيعات محترمه شركات كبيره نزلت زي سوديك وبالم هيلز واورا عملت أرقام مبيعات محترمه بألم هيلز نزل بمشروعين واحد في العلمين وواحد في رأس الحكمة و آلأتنين باعو كويس جدا سوديك بالرغم من تأخير مشروعها إلا إن اللونش بتاعه كان محترم وحقق مبيعات عظيمه مشروع نجيب ساويرس silver Sands بالرغم انه قفل البيع الغير مباشر إلا إنه حقق مبيعات رهيبه وطبعا إسم المهندس نجيب عامل مؤثر في مبيعات أي مشروع بينزله. بردو لونش ماونتن فيو الساحل آخر قطعه ارض في مشروعها skala كان موقع محترم وقدمو منتج جديد السنه دي وحدات فندقيه كان محترم جدا جدا. مشروع شركه maven كالي كوست بالرغم من حجم الشركة المتوسط في مصر وإن ده تآني مشروع ليهم إلا إن هما بصرآحه قدروا يقدمو ماستر بلان محترمه وقدروا ينافسو بمشروعهم بقوة وسط عتاوله السوق وحققوا بردو مبيعات عظيمه شابو بصراحة بردو مينفعش ننسي مشروع شركه تطوير مصر إللي نزلوه وخلصوه بدري بدري وكأنو أول شركه تطلع قرار وزاري في الساحل كله بنظام التخصيص الجديد وده مش جديد عليهم هما شركه مميزة ومشروعاتهم كلها عالمية. بردو شركه Jumeirah نزلت بمشروع محترم خدماته قويه في رأس الحكمة. طبعا في مشروعات تانيه نزلت بس محققتش أحسن مبيعات لأسباب عديدة وكان في مطورين مجهزين ينزلوا بس ملحقوش السيزون
الطلب كان علي منطقتين في الساحل طبعا سيدي عبد الرحمن لقربها من العلمين بس لزحمه مشاريعها وقله ارضها المطورين اتجهو لمنطقه رأس الحكمة وده التطور الطبيعي وإللي كمان بيخدم عليه محور الضبعة إللي لسة محتاج تطوير كبير آوي بس منطقه رأس الحكمة من أحسن شواطي الساحل وهيتعمل عليها مدينه رأس الحكمة الجديدة زي العلمين كده.
بشكل عام أنا بشوف إن الساحل الشمالي من اقوي مناطق الاستثمار العقاري السياحية في مصر بعائد علي الاستثمار بيوصل لاكتر من 15:20٪ سنوي سواء من الايجار أو حتي أعاده البيع إحنا بنوصل ل10 مليون مصيف سنويا طلباتهم بتتنوع ما بين شراء أو إيجار. وكمان الجو الجميل إللي بيتمتع بيه الساحل الشمالي كله.
المطورين متجهين بقوة السنه الجديدة لمزيد من الأراضي في الساحل سواء في رأس الحكمة أو العلمين الجديدة.
رجاء من الدولة تطوير آكتر لطريق الساحل كله وطريق محور الضبعه علشان ده المستقبل بتاع صف 300 كيلو شواطئ.
لمزيد من النجاح ومزيد من إقبال المطورين و المستثمرين.
مصر مليانه مناطق استثماريه قويه جدا في كل حتة في فيها والسوق العقاري المصري من اقوي واهم الأسواق في المنطقة دلوقتي ول10 سنين جايين.
لا تعليق