أكتوبر وزايد ↗️↗️↗️

-بما ان اغلب الناس أكتوبر وزايد منطقه غابات بالنسبه ليهم 😁😁 ومحدش عارف عنها حاجه فأنا قررت اشرح الخطوط رئيسيه ليهم تساعد اي حد يشرحها لعميله بسهوله ويتخيل الموضوع ماشي فيها ازاي.

#ليه بنقول أكتوبر وزايد مهمين ودراستهم مهمه لان فيها مشروعات لاهم مطورين في مصر فيها منتج عقاري جديد زي التاورز فيها امتدادات لمدن جديده مدن جيل رابع زي العاصمه الاداريه الجديده وهم ( زايد الجديدة – أكتوبر الجديدة – سفنكس الجديدة). كمان فيهم العاصمة السياحيه الجديدة والاهرامات والمتحف المصري الكبير ومطارين .

-أكتوبر وزايد من أحسن المدن المتخططه في مصر لان هيا ببساطه مكونه من عده محاور طوليه وعرضيه وكل أكتوبر وزايد خدمات واحياء سكنيه حوالين المحاور دي.

لو حبينا نعرف ايه هي المحاور دي ممكن لو بصينا للخريطه👇👇👇 هنلاقي ان احنا عندنا #محاور طوليه ) رئيسيه زي:
– (طريق مصر اسكندرية الصحراوي) 🚩اللي أكتوبر بتبدأ معاه من ميدان الرمايه لحد الكيلو ٢٨ و وبعد كده امتداد الصحراوي ومحور الضبعه اللي هيبقي عليهم مدينه زايد الجديدة ومدينه سفنكس الجديدة ودول هنعملهم مقالات لوحدهم ان شاء الله
-(وصله دهشور او محور العبور) 🚩وده ماسك من طريق الواحات وممتد لميدان جهينه مرورا بمدينه زايد واكتوبر على يمينه وشماله لحد ما يتقاطع مع طريق اسكندرية الصحراوي ومحور الضبعه.
-(الدائري الأوسط)🚩 وده لسه بيخلص واشتغل أجزاء منه بس اللي يهمنا هنا انه جوا أكتوبر بيقطع طريق الفيوم وطريق الواحات بعد المنطقه الصناعيه في أكتوبر وكمان التوسعات الشمالية والحزام الأخضر لحد ما يقطع بردو مع محور الضبعه وطريق الإسكندرية الصحراوي.
#المحاور العرضيه الرئيسيه :
-طريق الفيوم🚩 بيبدأ من ميدان الرمايه وممتد لحد الفيوم وبيقطعه الدائري الأوسط. وعليه مدخل الأهرامات الجديدة والعاصمه السياحيه. اللي هيا sun capital.
-طريق الواحات🚩؛ :و بيبدأ بردو من ميدان الرمايه او حدائق الأهرام تحديدا. وبيقطعو بردو الدائـري الأوسط ومهم لانه هيبقي عليه يمين وشمال في امتداده مدينه أكتوبر الجديدة بالكامل.
-المحور المركزي 🚩وده بيبدأ من المهندسين وميدان لبنان حتى المنطقه الصناعيه باكتوبر وبيعدي من فوق طريق اسكندرية الصحراوي وبيعدي على مدخل زايد ١ & ٢. لحد ميدان جهينه عند مول العرب وبيعدي بكل احياء أكتوبر لحد المنطقه الصناعيه.
بعد كده بتبتدي نقسم مناطق أكتوبر وزايد على حسب الطرق او المحاور اللي عليهم فبنلاقي مثلا:
-مدينة الشيخ زايد 🚩 ودي بتبقي بين المحاور الطويله اللي قلناها اللي هما طريق اسكندرية الصحراوي ووصله دهشــور عند ميدان جهينه وبيقطعها بالعرض المحور المركزي.
-منطقة التوسعات الشرقيه🚩 : ودي المنطقه الواقعه
ما بين طريق الاسكندريه الصحراوي ووصله دهشور طوليا
وعرضيا شمال المحور المركزي واحنا جايين من المهندسين ويمين طريق الواحات .
-منطقه التوسعات الشمالية والحزام الأخضر🚩 :ودي المنطقه الواقعه مابين وصله دهشور الجزء الشمالي بتاعها والدائري الأوسط الجزء اللي بعد المنطقه الصناعيه طوليا وعرضيا المحور المركزي الجزء اللي بعد مول العرب.
-منطقه حدائق أكتوبر🚩: ودي المنطقه اللي مابين طريق الواحات شمالا وطريق الفيوم يمينا وبتبدا من ميدان الرمايه. وممتده حتى المنطقه الصناعيه.
-مدينة أكتوبر الجديدة 🚩:ودي امتداد طريق الواحات يمين وشمال.
-مدينة زايد الجديدة 🚩: ودي امتداد وصله دهشور مع طريق اسكندرية الصحراوي وبيقطعهم بالعرض طريق محور الضبعه.
-مدينه سفنكس الجديدة🚩: ودي امتداد طريق اسكندرية الصحراوي من الكيلو ٥٨ حتى أبواب مدينه السادات.

ملحوظات مهمه ✋✋
طريق الدائري الإقليمي بيقطع طريق الفيوم وطريق الواحات بردو بس على امتداد بعيد جدا حتى عن أكتوبر الجديدة علشان كده منقدرش نقول عليه محور عرضي ممكن كمان ١٠ سنين ولا حاجه ان شاء الله 😁😁.
كل منطقه من مناطق أكتوبر وزايد بردو في تخطيطها فيها محاور عرضيه هنشرحها لما نمسك منطقه منطقه.
-المونوريل هيطلع من المهندسين يعدي على المحور المركزي ويدخل على طريق الواحات من المنطقه الصناعيه لحد أكتوبر الجديدة اللي هتكون المحطه الرئيسيه هناك.
-بردو القطار السريع هيعدي على طريق الواحات وهو رايح على العلمين الجديده.

أي استفسار عن أحسن فرص الاستثمار في أكتوبر وزايد تواصل واتساب.