كتير اسأله بتجيلنا أحط فلوسي مع مين مطورين أو فين الاستثمار الصح واحسن قيمه مقابل الفلوس إللي بشتري بيها فخينا نقول شويه قواعد كده تساعد الناس إللي عاوزه تشتري أو عاوز تستثمر في عقار وتكسب فيه.
#المطور
أول حاجه لما بتيجي نرشح لعميل مشروع لعميل بنهتم جدا باسم المطور هو مين ملأته الماديه عامله إزاي عمل مشروعات إيه قبل كده واتأخر في تسليمها ولا لا طب لما سلم الناس لقت الصيانه في المشروع محترمه ولا مش أحسن حاجه والناس إللي عملت أعاده بيع عند المطور ده كسبت ولا حطت فلوسها في أربع حيطان واتركنت جنبها عناصر مهمة جدا لكل مطور لازم تدرس بعنايه.
مشاكله إيه وهل المشاكل دي تعدي ولا مشاكل صعبه تخلينا نستبعد التعامل مع المطور ده.
طب البراند بتاعه في السوق عامل إزاي ليه إسم ولا مطور جديد والناس هتستقبله إزاي
#الموقع
أول كلمه من أي خبير عقاري أو أي حد بينصح بشراء عقار Location, location, location لاهميته فى قرار شراء العقار أو الاصل ده ويمكن دراسه المنطقه إللي فيها موقع المشروع وقربها وبعدها من المحاور الرئيسيه ومستقبل المحاور والمنطقه دي عامل مهم جدا في تحديد نوع العقار إللي هنستثمر فيه سواء سكني ،تجاري ،سياحي ،فندقي.
#المشروع_نفسه
جنب المطور وجنب موقع المشروع لازم ندرس المشروع نفسه مين الاستشاري إللي عامل المشروع ،طب إيه القيمة المختلفة في المشروع إللي تخليه عنصر جاذب للاستثمار طب خدماته إيه و product mix بتاعه معمول إزاي طب المباني متوزعه إزاي و types إيه والفيوهات المحترمه إيه وكتير ولا لا وعنصر الندره من خدمات و تقسيمات موجودة في المشروع ولا لا.
وطبعا وإحنا بندرس مشروعات تجارية اداريه غير لما بندرس المشروعات السكنيه أو السياحيه أو الفندقية علشان كل نوع عقار ليه عناصر قوه وجذب و استثمار لوحدها
#الاسعارونظامالسداد.
لازم جنب عناصر نجاح أي مشروع وجنب إسم المطور والموقع والمشروع نفسه نأخد بالنا من نقطه الاسعار لأن في مشاريع بتكون قويه جدا بس نازله بسعر ال peak واللي مش مناسب للمنطقه أو العملا أو حتي السعر غالي بس نظام السداد مش مناسب مع العملا و مضغوط جدا وياما شوفنا مطورين بعد ما عملو مشروعات قويه جدا عدلو في أسعارها ونظام السداد بتاعه كذا مره علشان بعدما طرحوا المشروع لقيوا الاقبال عليه ضعيف رغم قوته الاسباب دي.
وكمان في السعر بنشوف قابليه الاسعار ونظام السداد للزيادة والاستثمار وبتقيس علي سعر المنطقه والمطورين إللي في نفس ال level ده هل ده سعر منافس ويكسب العميل ولا لا.
وطبعا في استثناء لبعض المشروعات إللي بينزلها بعض المطورين بيخاطبو بيها شريحه معينه من العملا إللي هما عارفين إن هما هيشترو معاهم بأي سعر وباي نظام سداد لكن أنا هنا بتكلم في القآعده العامة.
#الاداره_والصيانه.
من التفاصيل المهمة جدا في أي مشروع الاداره و الصيانه بتاعته هتبقي ماشيه إزاي ومين الشركة إللي هتديرها وإدارة المشروعات التجارية غير السكنية غير الساحلية وقوه المطور بتحدد علي قوة إدارته في مشروعات السابقه وطريقه إدارته ليها لان ده كمان بينجح أو يفشل عمليه أعاده البيع أو الايجار لما العملا تيجي تبيع وحداتهم وتكسب فيها.
بشكل عام أي عميل وهو بيختار مشروع بنحطله كل العوامل دي وإحنا بنرشحله أي مشروع وبنقيس قوة كل عامل من دول علي معدل استثمار العميل ومكسبه في المشروع ومش شرط كل العوامل تبقي بنفس القوه بس في نفس الوقت لازم متنزلش عن حد معين علشان نعرف نرشحه ونقول للعميل المشروع ده كويس ونقدر نحط فلوسنا فيه. بردو في آخر ٥سنوات لقينا مشروعات أو مدن باكملها مدعومة من الدولة زي مدن الجيل الرابع والتنميه المستدامة وزي المنتجات العقاريه الجديدة سواء في العاصمة الإدارية الجديدة أو العلمين الجديدة أو الجلاله إللي بيقدموا عوامل قوة ودعم من الدولة نفسها بيخلي الاستثمار في المشروعات دي شبه مضمون وبيكسب كتير.
أي استفسار عن أحسن فرص الإستثمار العقاري في مصر إبعتلي علي لينك الواتس أي أي وقت وأنا معاكم.
لا تعليق