أول طريقة حد عجبه الموضوع وسمع إنه بيدخل فلوس كويسه فقرر يشتغل بروكر عقارات ومحاولش يتعلم وخد الموضوع فهلوة وتشغيل دماغ في شركته ومع عميله وده تلاقيه بيشتغل قليل مش بيركز في ال orientation إللي بتتشرح بيهبد في أي حاجه عاوز يخلص بيعته بأي طريقه سواء معلومه مغلوطه أو تدبيس للعميل وخلاص لمجرد الانسنتف العالي أو المشروع مسمع كويس والعميل عاوزه وللأسف دول بقو كتير في سوقنا وبوظو سمعه الشغلانه كلها غير إن هما بيخدعو عملاء هم وبيخسروهم بيبقي عمرهم في الشغلانه قصير و سمعتهم مش كويسه و إللي يستحل ده مع عميل أو شركه غالبا بتبقي فلوسه حرام لأنها جايه من غش.
-الطريقة التانيه طريقة (النص)
وده بيبقي بياع جميل محترم بيحاول بس تلاقيه نص في كل حاجه. نص معلومه. نص مهارات. نص مجهود. نص تارجت. تقعد معاه تقوله يا إبني إنت ممكن تكون احسن من كده من خلال مذاكرة وتنميه مهارات ومجهود آكتر تلاقيه مكتفي بنص المجهود البيعه إللي بتكفي نص تارجته كل شهر وفي الاخر بيحبط وبيدي سلبي للي حواليه مع إن الحل في أيده وهو مش عارف أو مش عايز يحاول. ودول بردو للأسف كتير جدا جدا.
-تالت طريقه ودي إللي بنحاول نشتغل بيها ونكبر بيها ونعلمها للناس عندنا إنك تبقي راجل professional
في كل حاجه. وقتك. طريقتك. معلوماتك. شكلك.
حابب شغلك. بتحب تعرف وتتعلم الجديد دايما. آمين وعندك مصداقية مع عملاءك. بتستخدم ال sales process مظبوط اغلب بيعك بيبقي جاي من عملاءك وترشيحاتهم لإنك ببساطه بايع مظبوط ومحافظ علي علاقتك بعميلك فبقي العميل شغال بياع ليه كمان. راجل عنده شخصيه متفاعله محبوبه عارف بستخدمها إزاي.
والطريقه دي بالرغم من إنها بتاخد مجهود في الأول وشغل كتير إلا إن إثرها عظيم وبتخليك فعلا من الكبار في الشغلانه والشركات بتتخانق عليك.
عاما شغلانتا من أصعب المجالات في الدنيا بس في الاخر ده مجال استشاري مبني علي المعلومه وطرق الإقناع والمهارات البيعيه فلو إنت مش قد ده ومش هتتعلمه بلاش يبقي تشغيل دماغ أو فهلوة علشان خلاص إحنا تعبنا وكمان العملا تعبت معانا.
لا تعليق