البيعه

اهم حاجه كلنا بندور حوليها وبتدخلنا فلوس وبتخلينا مبسوطين هي البيعه او deal لما بيقفل 🤑🤑🤑

لما بنيجي نتكلم عن مراحل البيعه او Sales process
بنلاقي كذا حاجه مهمه اوي :

#أول حاجه ازاي بنوصل للعميل بتاعنا اللي بيشتري عقارات واللي البادجت مناسب معاه وصاحب القرار ودي ليها كذا طريقه وtools بنعتمد عليها في شغلنا وانا ليا مقالين بيتكلموا عن الموضوع ده تحديدا لو كتبتم هاشتاج #Alaa_elsheikh في ال search هتلاقوهم.

#تأني حاجه بعد ما نلاقي العميل و الدنيا تبقي زي الفل بنعمل warm up مع العميل بمعنى انا بكلم عميل في التليفون او في ميتنج لازم يبقى فيه icebreak professional معاه اكلمه باسمه والtitle بتاعه مهندس، دكتور، مستشار، معندوش title يبقي اسمه (ويفضل بلاش يا فندم او حضرتك) ، مهم جداً في معرفتنا بالعميل نتعرف عليه بيشتغل ايه ساكن فين عاوز سكن ولا استثمار ولا الاتنين بادجت كام هو صاحب القرار ولا لا،لازم تسمع عميلك كويس 👌👌
بس خليك عارف ان طريقتك وانت بتعرف الحاجات دي بتفرق جدا لأنك مش robot انت بني آدم فلازم يبقي فيه emotions في الموضوع 😁😁. علشان العملا دايما بتشتري بالعاطفه والثقه فلازم تبنيهم مع عميلك.
خلصنا الwarm up وحبينا العميل 😁😁ندخل على

#تالت حاجه presentation بتاع المشروع وده ليه أساسيات كتير منها طبعا انا بشرحله ايه، الموضوع مناسب ليه ولا لا، ايه المميز في مشروعي، المنافسين بتوع المشروع ده عندهم ايه مختلف، ليه المنطقه دي بالذات مناسبه للعميل، استثمار ده short term ولا long term, طبعا شكلي وانا بشرح وال body language بتاعتي, ولبسي، حماسي, بيفرقوا اوي في ال presentation بتاعي قدام العميل.

ندخل على #رابع نقطه ودي مهمه اوي ال negotiation او التفاوض مهو اصل العميل مش هيتصاحب عليك ويسمع وبعد كده يشتري ويسلم عليك ويمشي ده في الجنه ان شاء الله 😁😁

لازم يبقى عندك مهارات تفاوض عارف ترد على اعتراض العميل على المشروع او عاما وكمان ازاي الاستثناءات اللي بيطلبها العميل منطقيه وفيها تفاوض ولا لا سواء في الدفع او الوحده نفسها دايما لو احنا بروكرز بنتفاوض احنا للعميل مع المطور علشان نجيبله احسن حاجه كنظام سداد، اختيار الوحده، واغلب تفاصيل الديل بشرط يبقي فيه balancing بين اللي بيطلبه العميل واللي بيقدمه المطور علشان بيعتك متبوظش ولازم تبقي حاطط plan b دايما وانت بنتفاوض لعميلك علشان دايما فيه حلول في بيعتك .

نيجي لمربط الفرس بتاع البيعه اللي هو ال #closing وده دايما اللي بيميز البياع الشاطر عن غيره قفل البيعه وده بييجي من انك عندك عميل عنده need فأنت متابع معاه بكل مراحل البيعه بس علشان تكمل بيعتك على خير لازم تخلقله #ضروره للشراء زي، launch معين فيه اول اسعار او اسعار الطرح، وحده معينه، لو ملحقهاش هيخسر فرصه، خصم معين من مطور او اوفر ( مش كاش باك 😢😢) مش هيتعوض تاني، مشاريع قوميه واخده دعم الدوله فأنت بتستغل ده في بيعتك.

بصوره عامه اول ما تبدأ بيع مديرك بيبقي معاك في ال closing وبيعلمك تعمل ايه وبعد كده تكتسب الخبره اللي تخليك تقفل بيعتك بايدك.

#اخيرا بعد المراحل دي ممكن العميل ميشتريش 😂😂😂

اهه عادي والله يحصله ظرف حاله وفاه اي حاجه عطلت الدنيا في الاخر خلينا عارفين ان العميل اللي بياجل او ميشتريش مش شيطان ولا دي نهايه الدنيا معاه شطاره البياع انه يفضل متابع عميله وعاملFollow upمحترم معاه طالما شايف انه لسه عنده الneed بس مش ده التوقيت المناسب ليه وياما شفنا بيعات بتاخد سنه واكتر بس بتقفل في الاخر ودي طبيعه شغلنا اصلا فمتستغربوش ولا تحبطو.

#لازم البياع خلال المراحل دي يكون عنده sense البياع ويحس عميله يشتري بيهزر بادجته ممكن يعلي ولا لا هو صاحب القرار في البيعه ولا لا، ودي بردو مديرك بيعلمهولك وبعد كده بتتعلمهابكثره التعامل مع العملا.

دمتم بخير يا احسن بياعين ❤️❤️